رواية عائلة مجنونة (كاملة جميع الفصول) بقلم ملك يسري
Part 1 (من عائلة مجنونة)
ملك بعصبية: لو عندك دم طلقنى انا مش قاعدة ليك تانى فيهاا فاهم.
عمر بعصبية: طلاق مش هطلق ي ملك واعلى ما ف خيلك اركبيه ومفيش خروج من البيت و ورينى هتنزلى ازاى عن اذنك ي هانم.
عمر نزل وقفل الباب من برا بالمفتاح ونزل.
ملك من غيظها بدأت تكسر في الشقة لحد ما هديت وفكرت دخلت اخدت الفيزا بتاعتها والفون وجهزت نفسها ووقفت ف البلكونه وندهت على البواب.
ملك بدموع: اطلع بسرعة ي عم رمضان افتح الباب انا وعمر اتخانقنا وهو قفل علياا وحد لسة قافل معايا قالى ان عمر عمل حادثة و ف المستشفى اطلع بسرعة.
رمضان: حاضر ي هانم.
رمضان دخل وطلع وهى ابتسمت بخبث وسابت ليه رسالة وخرجت.
....................................................................
عند عمر ف المستشفى وهو قاعد على مكتبه.
عمر بزهق: مبقتش قادر استحمل الجنان دا دى عايزة تطلق ياعم.
اسر وضحك: مراتك دى على الله بجد.
عمر واتنهد: قولت ل جدك والله انا ودى لاء صمم على ام الجوازة دى بقالنا اسبوع اهو متجوزين ومش طايقين بعض.
اسر: طب ما تطلقوا ياعم.
عمر: اه وجدك يروح فيها صح غور من وشى ي اسر مش ناقصة غباوتك انت كمان.
عمر بدأ يشوف شغله والمرضى لحد ما جاله اتصال.
عمر: اهلا ي جدى اى اخبار صحتك.
الجد: الحمدلله ي ابنى انا كويس بس انت اللى مالك.
عمر بإستغراب: مالى ازاى.
الجد: ملك لسة جاية وبتقول انك تعبان وخوفت عليها من العدوى وصممت انها تيجى تقعد عندنا لحد ما تبقا كويس.
عمر بيسمع بصدمة واتنهد ب عصبية.
عمر: الله يسلمك ي جدى اه يومين كدا وهبقا كويس.
الجد: ولا كلمة ساعة بالظبط وتبقا قدامى وتفضل قاعد وسطنا لحد ما تبقا كويس.
عمر ابتسم ب خبث: امرك ي جدى مسافة السكة.
....................................................................
شمس: بقولك مستفز بيجى كل يوم بعد نص الليل وينام والصبح يفطر ويمشى على طول اموت واعرف بيكون مع مين.
ملك وضحكت: ياهبلة الواد اكيد ف واحدة ف حياته.
شمس بخوف: تفتكرى.
ملك: بكل تاكيد.
دنيا: اوعى تصدقى الهبلة دى اسر مش بيفكر غير ف الشغل وبس.
ملك وقامت: بس هبل انتى كمان اكيد لاء مفيش انسان كل حياته شغل وبس هو اكيد ف واحدة ف حياته مخلياه مش شايف الاستاذة.
دنيا: ولى نفكر كدا ياست ملك هو لازم يكون دا سبب انشغال اسر.
ملك: طب هنقول ان اسر زى ما بتقولى طب وادهم اى سر انشغاله.
دنيا واتكلمت بضيق: مش عايزة اعرف عن اذنكم.
دنيا خرجت وشمس اتنهدت بحزن: الحب متعب اوى.
ملك: خليكوا انتو كدا عيال هبلة.
شمس: طب وعمر.
ملك ببرود: وانا مالى هو حر ف حياته.
شمس: يابنتى هو مش جوزك.
ملك ونامت على السرير: فكك منى واطلعى برا واقفلى الباب والنور ولما الغدا يكون جاهز صحينى.
شمس وضحكت: ماشى ياست ملك.
....................................................................
ف المطبخ.
سهير: عمر كلمنى وجاى ف السكة هنعمل حسابه على الغدا.
هدى: اصلا اللى بنتى قالته دا مش داخل دماغى.
سهير بضحك: لى بس دى ملك سكر.
هدى: اسكتى بنتى وانا عرفاها.
كريمة: دنيا ي حبيبتى.
دنيا: نعم ي مرات عمى.
كريمة: علشان ايدى مش فاضية اطلعى صحى ادهم علشان وراه مشوار مهم.
دنيا: حاضر.
كريمة بحب: حضرلك الخير يابنتى.
سهير: ابنك دا تلج حرفيا.
كريمة بضحك: وانتى الصادقة الاتنين.
هدى واتنهدت: ربنا يهديهم.
كريمة وسهير: يارب.
....................................................................
دنيا بتخبط على ادهم مش بيفتح فدخلت لقته نايم زى ماهو ب هدومه اتنهدت وقربت قلعته الجزمة و الشراب وخرجت ليه هدوم وجهزت الحمام وخرجت ليه.
دنيا: ابيه ابيه.
ادهم فتح عيونه بتعب وبص ليها.
دنيا بإحراج: مرات عمى قالتلى اصحيك علشان هتتاخر انا خرجت ليك هدوم وجهزت ليك الحمام عن اذنك.
دنيا هتمشى بس هو مسك ايديها وقام وقف.
ادهم بتعب: ممكن تخرجى ليا ترنج بيتى علشان تعبان ومش هقدر اروح ف حته.
دنيا حسست على وشه لاقته سخن ف قلقت عليه.
دنيا: حاضر ادخل وهتخرج هتلاقى الهدوم وهنزل اجيب ليك العلاج واجى.
ادهم هز دماغه ودخل الحمام ودنيا نزلت تحت.
جابت مايه وجايه تطلع.
سهير: رايحة فين ب الماية دى ي دنيا.
دنيا: ادهم تعبان ي ماما ف عمل ليه كمادات.
سهير هزت دماغها وطلعت فوق كان ادهم خرج وهى قعدت جمبه وبدات تعمل ليه كمادات وف وسط الهدوء دا ادهم بدأت ينادى على بنوتة اسمها جميلة دنيا دموعها نزلت بهدوء بس مسحتهم واول لما نام خرجت.
....................................................................
ف اوضة ملك بتفتح عيونها وشافت عمر قدامها.
ملك بخضة: اعوذ بالله من الشيطان الرجيم اى اللى جابك هنا.
عمر بعصبية: جاى اخد روحك......
#بقلمى_ملك_يسرى
